To my non-cebuano speaking readers, just ask me for a translation regarding my post below. Nothing really compares to having a good talk using your own tongue.
Le Bach – [n. lee-bak. – istorya nga nilibak]
Ang akong post karun kay ibisaya nako kay lisod kung mabasahan kini (samot kung masabtan) sa mga dili Pilipino, makiha nya ko ug racism. (Aw naa bay kaso nga racism?) *katawa gawas kusog (LOL)*
Anyway, (sorry lisud na binisay-on) gabii man gud padulong ko uli haskang kakusog na lang jud sa ulan. Nagtagaktak ug iring ug iro (it’s raining cats and dogs). Kusog ug hangin. Tugnawa pa jud. Hulat hulat ko ug taxi gawas sa e-office 1. Taxi na sad! Mao pay pobreng uyamot nako, maibanan pa jud ug taxi. Paksyet! Maghapit pa man gud ko ug sud-an nila sa balay kay wala daw kaluto. Alangan man sad mugawas pa nga pirte na sad baya jud kusuga sa ulan. Mag-taxi ko unya muhapit ko sa drive-thru ni bai Ronald (McDonald). Kay kung mag jeep ko, 48 years pa jud una ko maabot sa amo. Magsiga ang mata sa akong amahan ug igsoon. hehehe. Dili baya ko brutal pagkatawo. Usahay ra. Hahaha.
Taod-taod naman jud ko hulat hulat , walay juy taxi nga nihunong. Unya feeling nako katunga sa empleyado sa NEC kay naghulat ug taxi. Paksyet agen! Mao nag desisyon na lang ko nga mulakaw na lang dapit sa e-telecare nga building unya didto magsakay. Kay dili man jud lagi ko ganahan ug payong, naglakaw jud ko sa taligsik. Hihihi. Pero syempre ako na gud ni, dli jud na mawala ang poise. Ana jud!
Mga lima ka minutos na ko tindog tindog sa atubangan sa etelecare wala gihapo’y taxi nga bakante. Naa bitaw nay gwapo nga nagdala ug payong nya nitapad nako nya gipayungan ko! Hala ka diha! Ni-smile ra pud cya. Wala ko kaila niya. Tukso layuan mo ako kay taken nako. Hahaha. (Uyyy naay ni smile pagbasa heheh.. kaw ba!)
Nwey, sa wala madugay naay nihunong nga taxi. Ug pagkatabi-ana na lang jud sa driver ai. Nya dili man jud ko makigtabi kaau kung ingon ana pero natabil jud ako dila atong higayuna. Nisamot mi kadugay kay naay nagbangga sa may ayala, dapit daw sa Lexmark ug Keppel building.
Naabot among tabi sa mga nagklase klase nga mga pasahero nga nkasakay na sa iyahang taxi. Anaay Pinoy (Alangan!), german, israeli, indian, amerkano, norwegian, hapon, koreano (duh! bisag asa naa ni sila), insik, ug uban pa.
Ana siya nga ang dili jud kuno niya ganahan nga pasahero kay ang mga koreano. Mura lagi jud daw sila ug si kinsa. Kapila na gali kuno nga iyang pamalikasan may gali dili kasabot. Pirting pugong kuno niya sa iyang tiil kay basig iya kuno sikaran paggawas. Maldito daw kaayo. kabantay sad ko ani nga “rude” sila sa mga waiters kana sa restaurant gali. Tsk tsk.
Naa koy kataw-anan nga experience ani nila. Kay nag-gymgym lagi kunohay ko sa City Gym sauna sa may waterfront. Nya kani sila nga lahi bah kay ganahan kaau mag lakaw lakaw sa girls locker room nga naghubo tanan! (kaimagine na ko sa ngisi sa mga laki nga nagbasa ani. hahaha). One time ana, natimingan nga ang ako locker kay naa sa kinaubsan. So duko-duko sad tawn ko kay kalevel naman sa salug ang locker nako. Bang, paghangad pa bitaw nako kay nag atubang ko sa lobot sa usa ka koreana! Waaaaaaaaaaaaaaaaaaaaaah! Dili siya nindot nga experience. Mura kog kahilakon ug lansang, unya siya kay deadma ra. Pastilan. Gadalidali gud ko ug dagan sa shower room. Hahaha. affected kay ko sa iyang lubot!
Balik ta ni manong driver kay siya bayay hinungdan ani nga post.(tempted ko muingon ug poste! ahaha). Ingon siya nga pinakusog daw mo tip ang Hapon. Makakalot lang hinuon siya sa iyahang ulo kay dili siya makasabot sa iningles. Ana dayun ko nga sus manoy, mkarelate jud ko ana. ahaha.
Nya dili na lang ta maghisgot kung kinsa ang pinaka baho sah. Kay murag dili na jud na malalis. Hehehehe. Lami, este humot, jud ning Pinoy (labi na bisaya) kay amoy baby. Nyahaha.
Ang german sad daw kay lahi sad ug style. Mangoreksyon! Kay kani laging pinoy, samot na ang bisaya dli jud na palupig. Nya istoryador lagi ni sa manoy, mura kuno siya ug tourist guide kung naay musakay niya nga mga gikan sa ubang nasod. Pakpak jud ko aning manoy. Proud to be bisaya jud cya! 🙂 Nya kausa daw, paghuman niya ug storya ug iningles taman sa ginhawa, gikoreksyonan kuno siya sa german. Needs improvement daw iyahang grammar. Pero wala cya gimalmal ug koreksyon ha. Kanang koresyon with good intention ba. Bilib na jud ko aning manoy oi!
Katawa sad daw siya anang mga mormons gali. Wala ko nandaot sa mga mormons ha. Kay di’ bah magtuon man gyud na sila ug binisaya una sila muani for missions. Kay mga missionaryo man na sila. Kataw-anan kuno kaayo usahay kay siya ang mag sige ug ingles nya ang mga amerkano ang mag sige ug bisaya. Pirti jud nako ug katawa ani oi. (Naa nami sa McDonald Jones aning higayuna.)
Unya nangutana ko niya kung kinsay mas sipat sa backseat ang Pinoy ba or mga langyaw. (Naks! langyaw! heavy!). Asa ang mas PDA bah. Ana siya nga parehas ra jud daw. Naay uban nga murag dli na kahuwat nga muadto sa mangitngit nga lugar. Hahaha. Sus, kani jud ang biga sa, pastilan. Hahaha.
anyway. Dri ra kutob akong chismis ninyo. Pero pramis, makig chika ko ninyo balik kung anaa napud koy masugatan nga atong masumsuman.
Sunod napud higala! Daghang salamat 🙂